பக்கம் எண் :

1045
 
2790.கொடுங்கோளூர் அஞ்சைக் களஞ்செங் குன்றூர்

கொங்கணங் குன்றியூர் குரக்குக் காவும்

நெடுங்களம் நன்னிலம் நெல்லிக் காவு

நின்றியூர் நீடூர் நியம நல்லூர்

இடும்பா வனமெழுமூர் ஏழூர் தோழூர்

எறும்பியூர் ஏராரு மேம கூடங்

கடம்பை யிளங்கோயில் தன்னி னுள்ளுங்

கயிலாய நாதனையே காண லாமே.

5

2791.மண்ணிப் படிக்கரை வாழ்கொளி புத்தூர்

வக்கரை மந்தாரம் வார ணாசி

வெண்ணி விளத்தொட்டி வேள்விக் குடி

விளமர் விராடபுரம் வேட்க ளத்தும்


5. பொ-ரை: கொடுங்கோளூர், அஞ்சைக்களம், செங்குன்றூர், கொங்கணம், குன்றியூர், குரக்குக்கா, நெடுங்களம், நன்னிலம், நெல்லிக்கா, நின்றியூர், நீடூர், நியமநல்லூர், இடும்பாவனம், எழுமூர், ஏழூர், தோழூர், எறும்பியூர், அழகிய ஏமகூடம், கடம்பை இளங்கோயில்.... ஆகிய இடங்களில் கயிலாய நாதனைக் காணலாம்.

கு-ரை: அஞ்சைக்களம், மலைநாட்டுத்தலம்.

குரக்குக்கா, நெடுங்களம், நன்னிலம், நெல்லிக்கா, நின்றியூர் நீடூர், இடும்பாவனம், எறும்பியூர், கடம்பை, இளங்கோயில் இவை சோழநாட்டுத்தலங்கள். கடம்பை - கடம்பூர். இளங்கோயில் - மீயச்சூர் இளங்கோயில்.

கொடுங்கோளூர், செங்குன்றூர், கொங்கணம், குன்றியூர், நியமநல்லூர், எழுமூர், ஏழூர், தோழூர், ஏமகூட மலை இவை வைப்புத் தலங்கள். எழுமூர் -தஞ்சை எழுமூர். ஏர் ஆரும். அழகு நிறைந்த. 'ஏராறும்' என்பது பாடம் அன்று.

6. பொ-ரை: மண்ணிப்படிக்கரை, வாழ்கொளிபுத்தூர், வக்கரை, மந்தாரம், வாரணாசி, வெண்ணி, விளத்தொட்டி, வேள்விக்குடி, விளமர், விராடபுரம், வேட்களம், பெண்ணையாற்றங்கரையிலுள்ள அருட்டுறை, பெண்ணாகடம், பிரம்பில், பெரும்புலியூர், பெரு வேளூர், கண்ணை, களர், காறை, கழிப்பாலை, முதலிய இடங்களில் கயிலாய நாதனைக் காணலாம்.