இவ்வாறே இறைவன் திருவடிப் பேறு வேண்டுகின்றார்:  

மலர்ச்சேவடிகள் என்மனத்து வைத்தருளே’¹

பெரும்பற்றப்புலியூர்    பற்றிய  இயற்கை  வருணனை  முதல் இரண்டு
வரிகளிற் பேசப்பெறுகின்றன.

உருவளர் இன்பச் சிலம்பொலி யலம்பும்
   உன்னடிக் கீழதென் னுயிரே’

எனவரும்     பகுதி,    ‘அடிநிழற் கீழதென்றோ வென்றன் ஆருயிரே’
என்று   வரும்  அப்பர்   ஆருயிர்த்   திருவிருத்தத்தோடு  ஒப்பிட்டு
உணரத்தக்கது.²

தலைவி    கூற்றை   எடுத்துரைப்பதாக    வருகின்றது    அடுத்த
திருப்பதிகம்.³

‘‘திருநீறிடா வுருத் தீண்டேன் என்னும்
   திருநீறு மெய்த்திரு முண்டத்திட்டுப்
பெருநீலகண்டன் திறங்கொண்டு இவன்
   பிதற்றிப் பெருந்தெருவே திரியும்’’

என்று    வரும்     இப்பதிகப்   பாடல்    பொருணயமிக்குச்  சுடர்
விடுகின்றது.⁴

இறைவன்  திருவருளைக்  கூறிப்புகழாத  மக்களைக்   கடுமையாகத்
தாக்குகின்றது அடுத்த பதிகம்,

‘‘வீறிற், கோறைவாய்ப் பீறற் பிண்டப்
பிணங்கள்’’⁵

‘‘துட்டரைத் தூர்த்த வார்த்தைத் தொழும்பரைப்
பிழம்பு பேசும் பிட்டரை’’⁶

1. திருவிசைப்பா-2; பா-1.  

2. திருவிசைப்பா-2; பா-2.  

3. திருவிசைப்பா-2; பா-3.  

4. திருவிசைப்பா-2; பதி.3; பா-10  

5. திருவிசைப்பா-2; -பதி.4 -1  

6. திருவிசைப்பா-2; - 2