எனக் கூறி விடுக்கும் செய்தியினையும் நினைக. கிடைத்தல் கிட்டுதல். அஃதாவது சென்று சேர்தல். கச - உக : தழைத் ......... அமைத்த

     (இ-ள்) தழைத்து எழு தாளியும் கொன்றையும் தழைத்தலின்-தளிர்த்தெழுந்த தாளிமலரும் கொன்றை மலரும் மிக்கிருத்தலால்; முல்லையும்-முல்லை நிலமும்: பாந்தளும் தரக்கும் பயிறலில் குறிஞ்சியும்-பாம்புகளும் புலிகளும் வழங்குதலாலே குறிஞ்சி நிலமும்; முடைத்தலை எரி பொடி உடைமையில் பாலையும்-முடை நாற்றம் வீசும் இடமும் நெரும்பும் சாம்பரும் உண்டாயிருத்தலால் பாலை நிலமும்; ஆமையும் சலமும் மேவலின் மருதமும்-ஆமையும் நீரும் பொருந்தியிருத்தலால் மருத நிலமும்; கடுவும் சங்கமும் ஒளிர்தலின் நெய்தலும்-நஞ்சும் சங்குகளும் விளங்குதலால் நெய்தல் நிலமும்; ஆக-தோன்றும்படி; தனது பேரருள் மேனியில்- தன்னுடைய பேருட்பிழம்பாகிய திருமேனியின்கண்; திணை ஐந்து அமைத்த-ஐந்து திணைகளையும் ஏற்றுள்ள என்க.

     (வி-ம்.) தாளி கொன்றை என்பன ஆகுபெயர். தழைத்தலின் என்றது ஈண்டு மிகுதி குறித்து நின்றது. பாந்தள்-பாம்பு. தரக்கு-புலி. முடை-முடைநாற்றம். தலை- ஈண்டு இடம். எரி-நெருப்பு. பொடி-சாம்பர். சலம்-நீர்: வடமொழி, கடு-நஞ்சு. இறைவனுடைய மேனி அருட்பிழம்பேயாதலின் பேரருள் மேனி என்றார். இறைவனுடைய திருமேனி மக்களுடல்போலப் பூதங்களால் ஆயதன்று அருளால் இயன்றது என்னுமிதனை,

எனவரும் சித்தியாரானும் உணர்க. ஐந்து திணையாவன-முல்லை, குறிஞ்சி, மருதம், நெய்தல், பாலை என்பன,

21-29: இணையில் ..........................படுப்ப

     (இ-ள்) இணையிலி நாயகன் வரும் தொழில் அனைத்தும்-ஒப்பில்லாதவனாகிய இறைவன் நிகழ்த்திவரும் தொழில்கள்