ஒகுத்தினினன் குணவருள வறியவரா

          யிருந்தனமென் றுரைத்த லோடு

     மகத்தினிலுள் ளதுமிலது மிறையவனு

          மவன்றூது மறிவர் நம்மாற்

     பகுத்துரைப்ப தென்கொலெனப் பசுங்கொடியுங்

          கணவனுடன் பகர்ந்தாள் மன்னோ.
                                                                 5

     (இ-ள்) இப்பூலோகத்திலும் அந்த வானலோகத்திலும் பதவியை யுடையவர்களான நமது நாயகம் நபிகட்பெருமானார் நபிமுகம்மது முஸ்தபா றசூல்சல்லல்லாகு அலைகி வசல்லமவர்கள் நமது வீட்டில் வந்து இருந்தார்கள். இந்த நேரத்தில் நல்ல ஆகாரத்தை அவர்களுக்குக் கொடுக்க நாம் தரித்திரர்களாக இருக்கின்றோமேயென்று சொன்ன மாத்திரத்தில், அவர்களது மனைவியாரான பசிய கொடிபோல்பவர்கள் நமது வீட்டிலுள்ளதையும் இல்லாததையும் யாவருக்குங் கடவுளான ஜல்லஜலாலகுவத்த ஆலாவும் அவனது றசூலாகிய அந்நாயகம் நபிகட்பெருமானார் நபிசல்லல்லாகு அலைகிவசல்ல மவர்களும் அறிவார்கள். நம்மாற் பிரித்து அவர்களுக்குச் சொல்லுவது யாது? ஒன்றுமில்லை, என்று தங்கள் நாயகரான அந்த அபூத்தல்ஹா றலில்லாகு அன்கு அவர்களோடுஞ் சொன்னார்கள்.

3754.  துணைவனுங்கா தலியுமிவை யுரைத்துமனத்

          துயரொடுந்துன் புறுமப் போதின்

      மணமுலவு தனுவள்ள லினிதினும்மு

          சுலைமென்னு மயிலைக் கூவி