சாகைநூற் றழும்பு நாவார் கேட்பவார்த் தைப்பா டீதென்

     றோகைமா றாத சான்றோர் கொடுத்தன ருளம கிழ்ந்தே.

108

      (இ-ள்) ஆகையினால் எனது நேசர்களாகிய நீங்களியாவரும் ஒருமித்து அன்பாய் யான் வெற்றிபெறும் வண்ணம் எனக்குச் சத்தியஞ் செய்து தாருங்களென்று வேத சாஸ்திரப் பிரசங்கத்தால் தழும்பைக் கொண்ட நாவையுடைய நாயகம் நபிகட் பெருமானார் நபி செய்யிதுனா செய்யிது ஹாமிது அஹ்மது மஹ்மூது முகம்மது முஸ்தபா காத்திமுல் அன்பியா றசூல் சல்லல்லாகு அலைகிவசல்ல மவர்கள் கேட்க, உவகையானது நீங்காத அறிஞர்களான அந்த அசுஹாபிமார்கள் மனமகிழ்ந்து இதுவே சத்தியமென்று சத்தியஞ் செய்து கொடுத்தார்கள்.

4907. சுரும்படை கிடக்குந் தொங்கற் றூயவர் வாய்மை கேட்டுக்

     கரும்படை கிடக்குந் தீஞ்சொற் கதிமறை கபீபன் பாகி

     யரும்படை கிடக்கு மோடை யணிமதிண் மக்க மீதி

     லிரும்படை கடக்கும் வேலீ ரெழுகவென் றியையுங் காலை.

109

      (இ-ள்) வண்டுகள் நீங்காதிருக்கின்ற மாலையை யணிந்த பரிசுத்தத்தையுடையவர்களான அசுஹாபிமார்கள் அவ்வாறு சத்தியஞ் செய்து கொடுத்த சத்திய வார்த்தையைக் கரும்பினது இரசத்தைப் போலும் இனிமையானது மாறாதிருக்கின்ற