நான்தான் வீரகேஸரி

நான்தான் வீரகேஸரி
உறையிலேயே உறங்கும்
என் வாளைச் சுழற்றி
உங்கள்
ஒட்டிய உலர்ந்த
வயிற்றில் ஒரு கீறல்
ஸ்ட்ரா ஒன்றை வைத்து
ரத்தத்தை உறிஞ்சுகிறேன்
கூர் நகக் கைகளால்
வயிற்றைப் பிளந்து
குடலை உருவி
எச்சில் இலைகளுக்கு
அலையும் நாய்களுக்குப்
போடுகிறேன்
ஆடு சதைகளுக்கு ஏராளமான போட்டி
பருந்துகளிடமிருந்து
மீதமிருக்கும் உடலின் பகுதிகளையெல்லாம்
ப்ளேடால் கீறுகிறேன்
எட்டி உதைத்துக்
கொசுக்கள் நிறைந்த சாக்கடையில்
தள்ளுகிறேன்
அசையும் பகுதிகள் மீதெல்லாம்
இரட்டைக் குழல் துப்பாக்கி கொண்டு
சுட்டுக்கொண்டேயிருக்கிறேன்
நீங்கள் பார்த்துக்கொண்டேயிருக்கிறீர்கள்