ஒரு நகர்வு

ஒலி எழுந்தது
மெல்ல நகர்ந்தது
ஒலியைத் தொடர முடிந்தது
சிறிது நேரத்தில்
பிரதான சாலையில்
சங்கமமாயிற்று

இரைச்சலில்
ஒலி உருவிழந்து
உருண்டைப் பந்து போல்
கூச்சலாய் ஓடத் துவங்கிற்று
மற்ற உருவிழந்த
ஒலித்துகள்களுடன்
கச பிச குக கெகெ பிகெ டக்கு புக்கு
பல்வேறு பிரதான சாலைகளின்
உருண்டைப் பந்துகளெல்லாம்
ஒன்று சேர்ந்து
நகரத்தின் மேல்
வட்டமிட்டபடி
வானைக் கீறி
வெளியேறிக்கொண்டிருந்தன
புதிய புதிய ஒலித்துகள்
உருண்டைப் பந்துகளாகி
வானுலகம் சென்றுகொண்டிருந்தன
அமைதியான கிளைச்சாலை ஒன்றின் வழியாய்ச்
சென்றுகொண்டிருந்தேன்
ஒலித்துகள் ஒன்று தட்டுப்பட்டது
லபக்கென்று பிடித்து மாத்திரையாய் விழுங்கினேன்
உள்ளெங்கும் ஒலித்துகள்கள்
ஓடி விளையாடிக்கொண்டிருந்தன
பிரதான சாலையுள் நுழைந்தேன்
நரம்புகள் உப்ப
பந்துபோல் ஆனேன்
உருண்டு பருத்து மேலெழும்பினேன்
வானைக் கீறி
வெளியைக் கீறி
அப்பாலுக்கும் அப்பால்
பயணமாகிக்கொண்டிருந்தேன்
இருளும் ஒளியும் இரு கண்களெனப்