பூச்சுக்கள்

வாழ்க்கைக் கண்ணாடியில்
முகம் பார்த்து
தலை சீவி
பவுடர் பூசி
வெளிக் கிளம்பினேன்
பஸ் ஸ்டாண்டில்
என்னைப் போலவே
ஆண்களும் பெண்களும்
அவரவர் வாழ்க்கைக் கண்ணாடியில்
முகம் பார்த்து
அலங்கரித்து
காத்து நின்றிருந்தனர்
வந்து போய்க்கொண்டிருந்த
வாகனங்களில்
பொது மக்கள்
வேற்றுமை காண இயலாவண்ணம்
உட்கார்ந்துகொண்டும்
நின்றுகொண்டும்
பயணம் செய்துகொண்டிருந்தனர்
என்னுடைய வாகனம் வந்துவிட்டது
இடிபாடுகளுக்கிடையே
நானும்
ஒரு கம்பியில் தொற்றிக்கொண்டேன்
எங்கோ ஒரு இடத்தில்
நிலம் தகர்ந்து
கடல் கொந்தளித்தது
ஒரு பூ கீழே தவழ்ந்தது