அலைவுகள் அகாலத்தில்
தோன்றியவனோ என்று
சில வேளை தோன்றுகிறது டீக்கடைப் பெஞ்சின் மேல்
உட்காருகையில்
அதன் மேலிருக்கும்
கை கால்களைப் பார்த்து
அதன் மூதாதையர்
நினைவெனக்கு வருகிறது கட்டிடக் கண்ணாடியின்
பிம்பத்தைப் பார்த்து
எதிரிலிருக்கும் ஒளி தெரிகிறது எவனோ ஒருவன்
விலை உயர்வைப் பற்றிப்
புலம்பிக்கொண்டேயிருக்கிறான் காக்கையின் கறியைத்
தின்றிருக்கும் மக்கள்
தங்களின் தலைவன்
பிறந்த நாளில் ஆரவாரிக்கிறார்கள் இன்னும் அகரத்தைத் தொடுமுன்பே
நிழல் பொசுக்கி அழுத்திடுகிறது
பண்டைய காலம் இன்றைய காலத்துடன்
இணையும் இடைவேளையில் |