குட்டி இளவரசி வந்துவிட்டாள்

டப்பியின் க்ளிப்புகளைப் பரப்பி வைப்பாள்
சுவர் அழுக்கை ஈயெனப் பிடிப்பாள்
கூக்கூவைத் தினம்தினமும் புதிதாய்க் காண்பாள்
மக்கள் கூட்டத்தில் கூக்குரலிடுவாள்
ஏறி இறங்கும் படிகள் அவள் உலகம்
பார்த்தவரெல்லாம் அவளது தோழர்கள்
பசி உடல் தவிர அழ ஒன்றும் இல்லை
தனக்குள் தானே பொங்கும் மகிழ்ச்சி அவள்
ஒவ்வொரு கணமும் மகிழ்ச்சியின் தொடர்ச்சியே
பெயர் சொல்லி அழைத்தால் திரும்பிப் பார்ப்பாள்
அவள் ஊடுருவல் பார்வை உம்மையும் மீறிச் செல்லும்