எரிசினத்தவர் விடுபடைக்கலம்
            எரியெழச் சிதறித்
        தெரிவரக்கடல் திடர்மடுப்பன-
            சிலதிருக் கரமே.                          

(494)

        வெருவி யுற்றவர் உடல்பிடித்த, அடல்
            விரலிடைப் பலரைத்
        திருஉகிர்ப் புடை யறஅறைப் பன-
            சில திருக்கரமே.                        

 (495)

        தசைஉகைத்துஎழு திருஉகிர்ப் புரை
            யிடை ஒளித்தவரைத்,
        திசைபுகப்புக மிசை நெரிப்பன-
            சில திருக்கரமே.                         

(496)

        உரும்இடிப் பன; உயிர் குடிப்பன;
            உடல்துடித்து விழச்
        சிரம் இடிப்பன; கரம் ஒடிப்பன-
            சில திருக்கரமே.                         

(497)

        முனைமுகத்தெழு படைஎதிர்ப்பவர்
            முடிகளைச் சிதறிச்
        சினமிகுத்தொடு செருவிளைப்பன-
            சில திருக்கரமே.                         

(498)

        அலர் முடித்தன என, நகைத்தெழும்
            அறுகுறைத் தலையில்
        சிலர் முடித்தலை திருகி வைப்பன-
            சில திருக்கரமே.                         

(499)

        செருவரைக்கண நிரைவிழக்குவை
            சிரம்அறுத்து, அகலப்
        பருவரைக்கெதிர் எதிர்குவிப்பன-
            பல திருக்கரமே.                         

(500)

        உகிர் மடுத்து இடைவளைப்படுத்து, உயிர்
            அறஒழித்து, உடலைப்
        பகிர் படுத்து,எழு கழுகு அழைப்பன-
            பல திருக்கரமே.                             

(501)