ஆடுஞ் சரக்கு அறுபத்தி
னாலும் அவரவர் தாமறிவார்
காடு மலையுஞ் செடியுஞ்
சரக்கென்பர் காணாதார் காணுவரோ? | 18 |
| | |
தானே அறிவது சித்தி
இதுவென தத்துவந் தானறிந்தோர்
வீணே அலைந்து திரிந்துநம்
வேதத்தை விரும்பித் தேடுவரோ? | 19 |
| | |
தங்க ளிடத்தில் இருக்கும்
பொருள்தனைத் தாங்களே தானறிந்தால்
எங்கே இருக்கு தெனச்சொல்லித்
தேடி ஏங்கி அலைவாரோ. | 20 |
| | |
பண்டு பழுத்த கனியைப்
பொசிக்கப் பறிக்கப் பொருள் அறிந்தால்
உண்டு சுகித்து உடம்பை
வளர்த்து உறங்கித் திறிவாரோ. | 21 |
| | |
இத்தனை சித்தையும் கண்டு
தெளிந்தவர் ஏது மறியார்போல்
பித்தனைப் போலவே வத்துவைத்
தேடிப் பேசா திருப்பாரோ? | 22 |
| | |
தாங்காமல் விட்ட குறையாளர்க்கு
எய்திடும் தத்துவத் தைநினைக்க
பாங்கான ஐவரும் கட்டின
வீட்டில் பரம சுகம்பெறுவார். | 23 |
| | |
ஓங்காமல் ஓங்கும் பிரம
சொரூபத்தின் உண்மை தனையறிந்தால்
நீங்காத செல்வம் நிலைபெற்ற
மாதவம் நின்ற பொருளறிவார். | 24 |
| | |
எங்கெங்கு பார்த்தாலும்
எங்குங்குருநாதன் இருப்பிடந்தானறிந்தோர் | |