பங்கமாய் உள்ள பரம
சுகத்தையே பார்த்துத் திரிவாரோ? | 25 |
| | |
அற்பமாய் எண்ணியே கற்பங்கள்
தேடி அலைவர் வெகுகோடி
சொற்பங்க ளல்ல சுருதி
முடிவல்லோ சொன்னது கற்பங்கள்தான். | 26 |
| | |
வாசம் பொருந்தும் சதுர
கிரியின் மகத்துவங் கண்டோர்கள்
தேசங்கள் தோறுங் கற்பங்கள்
தேடித் திரிவரோ தானறிந்தோர். | 27 |
| | |
கண்டதை விண்டிலர் அண்டர்களானாலும்
கருத்தைச் சொல்லார்கள்
விண்டிலர் கண்டிலர் வேணது
சொல்லுவர் வேத முடிவறியார். | 28 |
| | |
பாசம் பொருந்தும் கருநெல்லிவெண்சாரை
பார்த்தோர்க்கு தான்தெரியும்
பேசப் படாதென்று சித்தர்கள்
சொல்லுவர் பேசத் தெரியார்போல். | 29 |
| | |
நீந்தின செந்தூரம் நேரான
பூரணம் நின்ற நிலையறிந்தால்
சாத்திரம் ஏதுக்குத் தானறி
யாருக்குச் சகலமும் வேணுமென்பார். | 30 |
| | |
வீட்டுக்குள் வாசலின் பூட்டுக்குள்
பூட்டது வேணது உண்டுஇங்கே
பூட்டக்கமின்னதெனத்தெரிந்தோர் சாவி
போட்டுத் திறந்திடுவார். | 31 |
| | |
கண்டபேர் கொண்டதை விண்டுதான்
பேசுவர் காரியா காரியமாய்
கண்டு மறிந்து மறியாதார்
போலவே காணாதார் போலிருப்பர். | 32 |