|
வெற்றி முழக்கம்
வேளை வந்தது வேளை - வெற்றி
மேவும் நமது தோளை!
ஊளை யிட்ட நரிகள் பல
ஊர் திருடிய எலிகள்,
வாளைப் போன்ற நமது - கை
வன்மை கண்டு நடுங்கும்
வேளை வந்தது வேளை - வெற்றி
மேவும் நமது தோளை!
மன்னர் முடிகள் உடையும் - ஏழை
மனிதர் முடிகள் உயரும்!
இன்னல் பட்டு நாளும் - பசி
எய்தி உழைத்த தோழர்
சொன்ன படியே நடக்கும் - புது
சுதந்திரங்கள் பிறக்கும்!
முன்னேறுவோம் இவ்வேளை - வெற்றி
முத்த மிடும்நம் தோளை!
‘முன்னணி’ - 1948
|