வெள்ளை முயல்

துள்ளித் துள்ளி ஓடுதுபார் 
   வெள்ளை முயல் அம்மா - அதை 
மெள்ள ஓடிப் பிடித்திடவே 
   மிகவும் ஆசை அம்மா.

பஞ்சு போன்ற உடலைத் தடவிப் 
   பார்க்க ஆசை அம்மா - நான் 
கொஞ்சிப் பேசிக் கூடி ஆடிக் 
   குதிக்க வேண்டும் அம்மா.

பளிங்குக் கண்ணைக் கூர்ந்து நானும்
   பார்க்க ஆசை அம்மா - அது
ஒளிந்து கொள்ளப் புதரை நோக்கி
   ஓடப் பார்க்கு தம்மா.

புல்லைத் தினமும் பிடுங்கிப் பிடுங்கிப் 
   போடு வேனே அம்மா - அது
மெல்ல மெல்லக் கடித்துக் கடித்து
   உள்ளே தள்ளும் அம்மா