நாவலந்தீ வொன் றதிலே
நவிலும் இரண் டுலகம் உண்டு
மூவேந்தர் கொடிபறக்க
முத்தமிழின் நலம் சிறக்கத்
தேவைஎலாம் கொண்ட திரா
விடஉலகம் ஒன்றாகும்!
ஆஒட்டி ஆத்தின்னும்
ஆரியநாடொன்றாகும் !

நடுவிலொரு விந்தியமாம்!
நல்லதிரா விடநாடு.
கடல் மூன்றும் புடைசூழும்
கவினுறு தென் பாங்கினிலே!
வடநாட்டில் திராவிடர்கள்
வாழுகின்றார் அங்கவர்கள்
வடவர்கள்தாம் என்பதான
மனநிலை கொண்டவராவார்

வடுவிலாத் திராவிடத்தில்
வடவர்களைச் சேர்ந்தசில
மடயர்களும் உண்டப்பா
வயிற்றெரிச்சல் கூறிடுவேன்
இடவிரும்பும் திரவிடத்தில்
இரந்துண்டு வாழுமந்தக்
கவிழ்ப்பதுதான் பெரு நோக்கம்
      இடியப்பக் காரா!

இந்நிலையில் திரவிடன்நீ
என்ன நினைத் திடவேண்டும்?
நின்இனத்தார் பெற்ற பேறு
நீ பெற்ற பேறல்லவா?
கன்னடனோ, கேரளனோ,
கன்னானோ. மண்ணானோ
வன்னியனோ, மன்னவனோ,
எல்லாரும் திரவிடரே!
      இடியப்பக் காரா!

திரவிடத்தின் தீமை எலாம்
திரவிடரின் தீமை என்க
திரவிடத்தின் நல மெல்லாம்
திரவிடரின் நல மென்க
மருளாதே அஞ்சாதே
வடவர்களை நீக்கிடுவாய்
திரவிடத்தில் திரவிடரின்
ஆட்சியை உண்டாக்கிடுவாய
    இடியப்பக் காரா!


                   தாயகமே வாழி

தாயகமே வாழி
தமிழ்-கேரளந் தெலூகு துளு கன்னடமுறு
                 தாயகமே வாழி

அனலமிகு காவிரி வெள்ளம் போலே
அறிவொளி சேர்க்கும் கல்வியி னாலே
நினலயினி லோங்கி வன்பனக வாட்டி
நீணிலம் வாயார வாழ்த்தவே வாழி
வாலமேலேற தாய் மணிக்கொடி!
வளர்க வீடெல்லாம் செங்குட்டுவன்கள்!
வளமே ஒங்குக! நல்லற மாதர்
மகிழவே பொங்குக உலகினில் எங்கள்   
                 தாயகமே வாழி