இசை : செஞ்சுருட்டி               தாளம் : ஆதி

விடுதலை இல்லாத போது -- மொழி
               ஏது? -- இனம்
               ஏது? -- பண்டை

மேலான வரலாறும் ஏது? நீ
விலக்கல் இலாததமிழ் இலக்கியத் தின்சல்லி
வேரும் சிறிதும் நிலைக் காது
கொடிநாட்டி வாழ்ந்தனை மண்ணி -- லதை
                  எண்ணித் -- தமிழ்
                  எண்ணி -- அந்தக்

கொடியவரை நடுங்கப் பண்ணி -- கொடுங்
கோலைமுறித்த பின்புன் வேலை முடிந்ததென்று
கொட்டடா முரசு நண்ணி
தாய்க்கும கன்செய்யும் தொண்டும் -- ஒன்
                  றுண்டு -- நன்
                  றுண்டு -- தாய்

தளைநீக்க வேண்டும்வெ குண்டு -- மேலும்
தமிழன்நீ தமிழ்ப்பழங் குடிக்கோர் இழுக்கென்றால்
சாக்காடும் உனக்குக்கற் கண்டு.
பாக்கியம் பெற்றவன் நீதான் -- புலி
               நீதான் -- சிங்கம்
               நீதான் -- இந்தப்

பாராண்ட மறத்திஉன் தாய்தான் -- தமிழ்ப்
பண்பாட்டை மிதிப்பவன் பழிவாங்கப் படவேண்டும்
சும்மா இருந்தால் நீயோர் நாய்தான்.
தெற்கை வடக் காண்ட தெந்நாள்? -- இல்லை
                  முன்னாள் -- அஃ
                   திந்நாள் -- கேள்

சீர்பட வேண்டுமன்றே உள்நாள்? -- நல்ல
திருவேண்டும் புகழ்வேண்டும் தமிழ்க்குரி மைவேண்டும்
தீயர் தொலையும் நாளே பொன்னாள்
பொற்குவை தன்னைக் கரண்டி -- யாற்
                 சுரண்டிப் -- பல
                 வண்டி -- ஏற்றிப்

போனான் நமக்கே திங்கே உண்டி? -- உன்
பொய்யாத வாழ்வெங்கே மெய்யான உணர்வெங்கே
போயின வோஇருள் மண்டி?
இன்றே உனது முதல் வேலை -- இது                காலை -- கொடுங்
                கோலைத் -- துண்டாய்

ஒடிக்க வேண்டும்திறத் தாலே -- பார்
உன்படை! உன்னினம் நில்லதன் முன்னணி
உனக்குப் பகைவர் எந்த மூலை?
நன்றிக்கு வாழ்த்திட வேண்டும் -- உரம்
               வேண்டும் -- திறம்
               வேண்டும் -- உன்

நாட்டிற்கே நீவாழ வேண்டும் -- நம்
ஞாலப் பெரியார் செல்லும் பாதையினை விடாதே
விடுதலைப் பெரும்பயன் ஈண்டும்!

செந்தமிழ்ச் சொற்களை இந்தியால் எழுதுதல்
அறிவிலாச் செயல்! அறமிலாச் செயல்!
வடவரின் இந்த மடமை எண்ணத்தை
முளையிலே கிள்ளி எறிதல்நம் முதற்கடன்
ஏனெனில்,

எழுத்தைக் கொல்வது மொழியைக் கொல்வதே
மொழியைக் கொல்வது இலக்கியம் கொல்வதே
இலக்கியம் கொல்வதோ இனத்தைக் கொல்வதே
இனத்தைக் கொல்வ தெதற்கெனில், தமிழர்
நிலத்தைச் சுரண்டித் தமது நிலையினை
உயர்த்த, வடவரின் உள்ளம் இதுதான்

நேருவின் ஆட்சி நெடுநா ளாக
செந்தமிழர்க்குச் செய்யும் தீமைகள்
இம்மியேனும் குறைந்த பாடில்லை
நேருவின் ஆட்சி மாறவேண்டும்.
ஒழிக்க வேண்டும் உயர்தமிழ் மக்கள்

இந்தியை எத்துப் பேசிப் புகுத்தியது!
சாதி ஒழிப்பாரைச் சாக டித்தது!
பாரோர் அறியப் பாரப்பனர் ஆட்சியை
நிறுவிற்றுத் தமிழரைக் கறுவிற்றுக் கொல்வதாய்!

எந்தத் துறையிலும் இம்மி அளவும்
உரிமை தரேன்என உருமிற்றுப் பன்றி!
தமிழர் செல்வத்தைத் தயங்காது சுரண்டிற்று.
எங்குள தமிழ இனத்தார் தம்மையும்
கயமை மனதாற் காட்டிக் கொடுத்தது
தமிழக நன்செய் தருநெல்லை எலாம்
அயலார்க் கென்றது; பசிஉமக்கென்றது!

நம்இனத்தார் செம்மைத் தமிழர்கள்
இலங்கை அரசினால் எய்தும் இன்னலை
ஆதரித்தது நேருவின் ஆட்சி!

மலையத் தமிழர்கள் நிலைமை நன்றெனில்
நெஞ்சு கொதித்தது நேருவின் ஆட்சி
அங்குள தமிழர் தொல்லை அடைந்திடில்
ஆம்ஆம் என்றது அறமிலான் ஆட்சி!

தமிழை அழிக்கத் தமிழனைத் தேடிக்
காசு தந்து அலுவல் காட்டி
ஊக்கம் செய்த துயர்விலான் ஆட்சி!

"ஆகாஷ் வாணி" -- அதனை நீக்குக!
"வானொலி" -- ஆக்குக! என்று கெஞ்சினும்
இதற்கும் மறுப்பா எங்கே அடுக்கும்?
தமிழன் உயிரையா தருதல் வேண்டும்
இந்த உரிமை எய்துதற்கு?

ஆரியர் ஆட்சி நீங்க வேண்டும்
ஒழித்துக் கட்ட வேண்டும்
விழுப்பத் தமிழகம் மீட்சி பெறவே!

கோவையில் விளம்பி ஆவணி 30ல் நடந்த
உஷா -- நாராயணசாமி

( 165 )





( 170 )





( 175 )





( 180 )





( 185 )

( 190 )





( 195 )






( 200 )






( 205 )

தமிழகம் போற்றும் நாரா
யணசாமி தகுதி மிக்க
அமிழ்துநேர் மொழிஉ ஷாவை
அடைந்ததால் எலாம் அடைந்தான்
கமழ்மலர்க் குழலி நல்ல
கற்புடை உஷாஆம் நங்கை
அமைந்தநற் சீர்த்தி நாரா
யணன்பெற்றாள் எல்லாம் பெற்றாள்!

பண்பமைந் திட்ட நல்யாழ்
பாணன்கைப் பதிந்த வாறும்
தெண்ணிறை வண்ணத் தும்பி
தேன்மலர் படிந்த வாறும்
வெண்ணிலா முகத்து ஷாவும்
நல்லிடம் மேவ லானாள்
அண்ணலும் அவ்வா றேயாம்
அவள்அவன் தமிழும் பாட்டும்!

தேசிய சேமிப் பென்னும்
திருநாட்டுப் பெருமன் றத்தின்
மாசிலாத் தலைவ னான
வரதரா ஜுலுவும், மிக்க
தேசுறு சந்தி யாவும்
செய்தவத் தாற்பி றந்து
பேசுமாங் கிலத்தும் தேர்ந்த
உஷாவின்சீர் பெரிதே அன்றோ!

பன்னுமல் லேக வுண்டன்
பாளையத் திராம கிருஷ்ணன்
அன்னபூ ரணம வர்தம்
அன்பினிற் பிறந்த மேலோன்
பொன்னிறை கோவை தன்னில்
பொறியியல் கல்லூ ரிக்கு
மன்விரி வுரைசெய் நாரா
யணசாமி மாட்சி என்னே!

ஒரேகாதல் பாட்டுப் பாடும்
இரண்டுள்ளம் ஒன்றை ஒன்று
சரேலெனத் தழுவக் கண்டோம்
தங்கத்து மணவ றைக்குள்!

வரா இன்பம் வரப்பெற் றார்கள்
மணமக்கள் குறைவோ ஒன்றும்
இராஇல்ல றத்தேர் தன்னை
இழுப்பார்கள் புகழூர் நோக்கி

மேற்றோளில் மாலை சூட்டிக்
கீழ்க்கண்ணால் நோக்கி னாள்பெண்!
கோற்றோளில் மாலை சூட்டிக்
குறுநகை புரிந்தான் ஆளன்!
ஆற்றோரப் புனலிருந்தும்
அவாமிக இருந்தும் இன்றும்
நேற்றேபோல் இருந்தோம் என்று
நினைந்தன இருநெஞ் சங்கள்!

தமிழிசை வடவர்க் கெல்லாம்
தந்தநற் கருவி தந்தஅமிழ்திசை மழையும், வானில்
அவிழ்மலர் மழையும், மேலோர்
கமழ்வாழ்த்து மழையும், பன்னீர்
கைம்மாற்று மழையும், கூடு
அமைமண மக்கள் நெஞ்சத்து
அன்பினை நனையச் செய்யும்!

திருமண மக்கள் நல்ல
திருவேந்திப் புகழு மேந்திப்,
பருதியும் நிலவும் வாழும்
பல்லாண்டு வாழ்வும் ஏந்திக்
கருவிலே தமிழ்ப்பண் பாடு
கமழ்மக்கள் பேரர் ஏந்திப்
பெருவாழ்வு வாழ்க உற்றார்
பெற்றோரும் தமிழும் வாழ்க!

( 210 )




( 215 )





( 220 )




( 225 )





( 230 )




( 235 )





( 240 )





( 245 )






( 250 )




( 255 )




( 260 )




( 265 )





( 270 )