Untitled Document
| 28. | | புல்லும் பசுவிற்காம்; பூண்டும் மருந்திற்காம்;
கல்லும் திருக்கோயில்கட்டுதற்காம் - தொல்லுலகில்
ஏழை எளியேன் எதற்காவேன்? செந்திநகர்
வாழும் வடிவேல வா! |
| 29. | | முத்தையா! வேலா! முருகா! எனவோதும்
சொத்தையே தேடிச் சுகமடைவீர் - நித்தமிவ்
வீடும் களமும் விளை நிலமும் தோப்புகளும்
மாடும் சதமாகு மா? |
| 30. | | பெற்ற சுதந்திரத்தைப் பேணி வளர்க்கநமக்கு
உற்ற துணையாய் உதவுகவே! - வெற்றிதரும்
ஈராறு கையன் இமையோர் சிறைமீட்ட
வீராதி வீருன்செவ் வேல். |
| 31. | | செந்தில் முருகா! திருமால் மருகா! என்
சிந்தை குடிகொண்ட தேசிகா!- வந்தினிய
பைந்தமிழ்ச் சோலையிலே பாடும் கவிக்குயில்கள்
சந்ததம் வாழவரம் தா. |
| 32. | | நாட்டு வைத்தியனும்
நாளைக் கடத்துகிறான்
வீட்டி லுள்ளோரும் விசனப் படுகின்றார்
காட்டு மயில் மீது
ககனம் சுற்றியவா
கூட்டிச் செல்லையா
கூவிட வலிமையில்லை |
| 33. | | தென்னெல்லை காத்தாளும் தேவி! குமரீ! நின்
பொன்னடியைக் கும்பிட்டுப் போற்றுகின்றேன் - மன்னு புகழ்ச்
செந்தமிழ் நாடு ஒன்றாகித் தேவர்நா டொத்து, உலகில்
சந்ததம் வாழவரம் தா. | |
|
|