Untitled Document
| 646 | | பார்ப்பார்கள் தோள் சுமந்து
பாணரைமுன் திருக்கோயில்
சேர்த்தார்கள் என்ற கதை
தெரியாதோர் உண்டோ? ஐயா! |
| 647 | | கள்ளுடனே ஆடுகோழி
கலந்துண்ணும் காளிதேவி
உள்ளிருக்கும் கோயிலே
உரிமைஎமக் கிலையோ? ஐயா! |
| 648 | | கள்ளுடனே ஆடுகோழி
கலந்துண்ணும் காளிதேவி
பள்ளர் எமைக் கண்டவுடன்
பயந்தோடிப் போவாளோ? |
| 649 | | காப்பாற்றி நமையாளும்
கடவுளரும் மக்களுள்ளே
பார்ப்பார்கள் பறையரென்ற
பகுப்பேதும் வைத்ததுண்டோ? |
| 650 | | கோவிலிலே தீட்டேறிக்
குடிபுகுமோ? குளிப்பவரின்
பாவமெல்லாம் கங்கையிலே
படிந்திடுமோ; கூறம், ஐயா! |
| 651 | | பூவாரம் அணிந்தபிரான்
பொன்னடிக்கீழ் நின்றெளியேம்
தேவாரம் பாடில் அவர்
செவிக்கின்பம் ஆகாதோ? |
| 652 | | பாவிகளை ஈடேற்றிப்
பதம்அளிக்கும் பரமசிவம்
கோவிலிலே எமைக்கண்டால்
குடிமுழுகிப் போய்விடுமோ? |
| 653 | | காணுதற்குப் கண்அளித்த
கடவுளடி கண்டுதொழ
வேணுமென்று மனிதருக்கும்
விருப்பமெழல் அதிசயமோ? | |
|
|