முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 105 655 அண்டம்எல்லாம் காக்கும் ஈசன்      ஆலயத்தில் மக்கள் எம்மைக் கண்டகண்ணைக் கழுவுவரோ?      கருணைசெய்ய மாட்டாரோ? 656 தருமஉரு வாம்ஈசன்      தமியரையும் கண்டவுடன், கருணைவிழி அடைப்பாரோ?      கனல்விழியைத் திறப்பாரோ? 657 குற்றமிலா எமைக்கண்டு      கோயிலையும் அடைக்கலாமே? பெற்றவரைக் காணவரும்      பிள்ளைகளைத் தடுப்பார் உண்டோ? 658 ஆண்டவனைக் கண்டுதொழ      ஆசைஎமக் கெழுந்திடாதோ? நீண்ட மரஞ்செடியோ? நாங்கள்      நெடும்பாறை தானோ? ஐயா! 659 பக்தியொடு கோயில்சென்று      பணிந்துபதம் பெறுவோமேல், முத்தியிடம் போதாமல்      முழுமோசம் வந்திடுமோ? 660 வனத்தில் ஒரு மரமாக      வளர்ந்தோமிலை, மானிடரின் இனத்தினிலே பிறந்தஇடர்      இனிப்போதும், போதும், ஐயா! 661 தாகம்என்று வருபவர்க்குத்      தண்ணீரை அளியாமல், ஆகமங்கள் ஓதிநிற்றல்      அழகாமோ? அறமாமோ? 662 ஆலயத்திற் சென்றுதொழ      ஆணையிடும் ஒளவைமொழி ஞாலமிசை எங்களுக்கும்      நன்மைதராப் புன்மொழியோ?

முன் பக்கம்

மேல்

அடுத்த பக்கம்