Untitled Document
| 695 | | தாகித்து வந்தவ ருக்குச்-செம்பில்
தண்ணீர் அளித்திடச் சம்மதி யாது;
சோகித்து வீழ்வோரைக் கண்டால்-தலை
தூக்கி வியர்வை துடைக்க ஒட்டாது. |
| 696 | | கண்ணுதல் ஆலயம் சென்றால்-அங்கே
கையிற் பிரசாதம் போட வொட்டாது;
எண்ணி வரையளந் திட்டே-அதற்கு
இப்புறம் அப்புறம் நில்லென்றதட்டும். |
| 697 | | கப்பலில் ஏறிட அஞ்சும்-சில
காப்பிக் கடைஎட்டிப் பார்க்கவும் நாணும்;
செப்பும் புகைவண்டி யுள்ளே-அது
சீற்றம் அடங்கி ஒடுங்கி கிடக்கும். |
| 698 | | கண்ணான காந்தி மகானும்-இதைக்
கண்டு நடுங்கிக் கடவுளை வேண்டி,
உண்ணா திருந்தனர் என்றால்-இதன்
ஊக்கம் சிறிதும் உரைத்திடப் போமோ! |
| 699 | | முன்னம் பெரியோர் இதனை-வெட்டி
மூடிப் புதைத்தும், உயிர்வலி கொண்டு
பின்னும் முளைத்ததே, ஐயா!-இது
பேய்களும் அஞ்சும் பெரிய பேய், ஐயா! |
| 700 | | பொல்லாத பேயிதை நம்பி-இன்னும்
பொங்கலிட் டாடுதல் புத்தியோ? ஐயா
நல்லாக வேண்டுமே யானால்-இதை
நாட்டைவிட் டோட்டித் துரத்துவோம், ஐயா! |
| 701 | | இப்பெரும் பேய்இனி மேலும்-நமது
இந்திய நாட்டில் இருந்திட லாமோ?
கப்பலில் ஏற்றுவோம், ஐயா!-நடுக்
காயல் கடல்கண்டு தள்ளுவோம், ஐயா! |
| | 90. மதுவிலக்குப் பாடல்கள் | | 702 | | வள்ளலெங்கள் காந்திமகான் வாக்குப் பலித்ததடா!
துள்ளுமுன் பேயாட்டம் தொலைந்ததடா!-கள்ளரக்கா!
வஞ்சிவள நாட்டிலுன் வாழ்வற்றுப் போச்சுதடா!
நெஞ்சிலுணர்ந் தோடடா! நீ. | |
|
|