முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 111 வேறு 703 கள்ள ரக்கா! குலத்தொடு நீ      கப்ப லேறத் தாமதம் ஏன்? வள்ளல் எங்கள் காந்திமகான்      வாக்கு முற்றும் பலித்ததினி; எள்ளத் தனையும் உன்வாழ்வுக்கு      இடமிங் கில்லை, இல்லையடா! தெள்ளத் தெளியச் சொன்னேன் நான்      தெரிந்து ஒழிந்து தொலைந்திடுவாய். 91. சுகாதாரக் கும்மி 704 பாவையரே! என்றன் பாங்கியரே! - கும்மி      பாடி விளையாடும் தோழியரே! ஆவ ரெலாடக்க வாழ்வை அடைவதற்கு      ஆகும் வழிகளைத் தேடுவீரே. 705 உள்ளம் உடலையே பற்றிநிற்கும் - இந்த      உண்மை மறந்திடலா காதம்மா தெள்ளத் தெளிந்த அறிவுடைய யோர்மொழி      தெய்வ மொழியென் றுணர்வாயம்மா 706 மாசொ டறியாமை நேசமாகித் - தம்முள்      வாய்த்த மணஞ்செயும் காரணத்தால் பேசும் உலகினில் நோய்கள் எனும்பல      பிள்ளைகள் வந்து பிறக்கு தம்மா. 707 சுத்தமே என்றும் சுகம் அளிக்கும் - தீய      சோம்பலை ஒட்டித் துரத்தும், அம்மா! இத்தரை வாழ்வைப் பெருக்கும், அம்மா! - அதற்கு      ஈடேதும் இல்லையான் சொன்னேன், அம்மா! 708 ஏதும் அழுக்கிலா ஆகாயமே - உடற்கு      என்றும் உறுதி பயக்கும், அம்மா! மோது கடற்கரை சென்றுலவி - உண்மை      முற்றும் தெளிவுறக் காண்பாய், அம்மா!

முன் பக்கம்

மேல்

அடுத்த பக்கம்