Untitled Document | 752 | | மங்கைய ராகப் பிறந்ததனால் - மனம்
வாடித் தளர்ந்து வருந்துவதேன்?
தங்கு புவியில் வளர்ந்திடும் கற்பகத்
தாருவாய் நிற்பதும் நீர் அலவோ? |
| 753 | | செம்மையிற் பெற்ற குணங்களெலாம் - நீங்கள்
செய்வினை யாலே திருத்துவீரேல்,
இம்மைக் கடன்கள் முடித்திடவே - முத்தி
எய்திச் சுகமா யிருப்பீரே. |
| | 97. உடல் நலம் பேணல் | | 754 | | உடலின் உறுதி உடையவரே
உலகில் இன்பம் உடையவராம்;
இடமும் பொருளும் நோயாளிக்கு
இனிய வாழ்வு தந்திடுமோ? |
| 755 | | சுத்தமுள்ள இடமெங்கும்
சுகமும் உண்டு? நீ அதனை
நித்தம் நித்தம் பேணுவையேல்,
நீண்ட ஆயுள் பெறுவாயே. |
| 756 | | காலை மாலை உலாவிநிதம்
காற்று வாங்கி வருவோரின்
காலைத் தொட்டுக் கும்பிட்டுக்
காலன் ஓடிப்போவானே! |
| 757 | | ஆளும் அரசன் ஆனாலும்
ஆகும் வேலை செய்வானேல்,
நாளளும் நாளும் பண்டிதர்கை
நாடி பார்க்க வேண்டாமே. |
| 758 | | கூழையேநீ குடித்தாலும்,
குளித்த பிறகு குடி, அப்பா!
ஏழை யேநீ ஆனாலும்
இரவில் நன்றாய் உறங்கப்பா! |
| 759 | | மட்டுக் குணவை உண்ணாமல்
வாரி வாரித் தின்பாயேல்,
திட்டு முட்டுப்பட்டிடுவாய்;
தினமும் பாயில் விழுந்திடுவாய். | |
|
|