Untitled Document | | பக்தி மஞ்சரி (2) | | | 10. உமையொருபாகக் குருக்கள் | | 38. | | வேறும் ஒருதுணையான் வேண்டுவனோ?வேணுவனம்
தேறும் உமை யோர்பாகத் தேசிகனே கூறும்எனக்கு
எய்யாப் பிறவி இருள் அகல நீ அளித்த
பொய்யா விளக்கிருக்கும் போது |
| | 11. கோவில் வழிபாடு | | 39. | | கோவில் முழுதுங்கண்டேன் உயர்
கோபுரம் ஏறிக்கண்டேன்
தேவாதி தேவனையான் தோழி
தேடியுங் கண்டிலனே |
| 40. | | தெப்பக் குளங்கண்டேன் சுற்றித்
தேரோடும் வீதிகண்டேன்
எய்ப்பில்லைப்பாம் அவனைத் தோழி
ஏழையான் கண்டிலனே |
| 41. | | சிற்பச்சிலைகண்டேன் நல்ல
சித்திர வேலைகண்டேன்
அற்புத மூர்த்தியினைத் தோழி
அங்கெங்கும் கண்டிலனே |
| 42. | | பொன்னும் மணியுங்கண்டேன் வாசம்
பொங்குபூமாலை கண்டேன்
என்னப்பன் எம்பிரானைத் தோழி
இன்னும்யாம் கண்டிலனே |
| 43. | | தூபமிடுதல் கண்டேன் தீபம்
சுற்றி எடுத்தல் கண்டேன்
ஆபத்தில் காப்பனைத் தோழி
அங்கேயான் கண்டிலனே |
| 44. | | தில்லைப்பதியுங்கண்டேன் அங்குச்
சிற்றம்பலமுங் கண்டேன்
கல்லைக்கனிசெய்வோனைத் தோழி
கண்களாற் கண்டிலனே | |
|
|