| முழுவதும் அடங்கிய ஆய்வு தொகுப்பு | 129 |
Untitled Document | 835 | | எங்கே இருந்துநாம் வந்தோமோ? - இனி
எவ்விடம் சென்றுதான் சேருவமோ?
இங்கே அறிந்தவர் யாவர். அடா! - இந்த
ஏடுகள் உண்மை இயம்புமோடா! |
| 836 | | ஆண்டுக் கொருமுறை யாகிலும் எஞ்சினுக்கு
ஆயில் இடுவ தறியாயோடா!
வேண்டிப் பரமன் படைத்த உடல்இது
வேலைகள் செய்து அலுக்காதோ? அடா! |
| 837 | | நல்லெண்ணெய் பூசிக் குளிப்போம், அடா! - நல்ல
நல்ல உணவுகள் உண்போம், அடா!
அல்லும் பகலும் உழைப்பதெல்லாம் - வயிறு
ஆரப் புசிப்பதற் கல்லவோடா! |
| 838 | | இட்டெலி வீரர்தென் னிந்தியராம் - என்பது
இன்றுநாம் காட்டி விடுவோம், அடா!
சட்டினி நண்பன் துணையிருக்க - அதில்
சந்தேகம் உண்டோ? நீ சொல்வாய், அடா! |
| 839 | | தேடிச் செலவுசெய் யும்பொருள் நம்பொருள்;
சேர்த்துவைக்கும் பொருள் யார்பொருளோ!
வாடி வயிற்றுக்கொன் றீயாத லோபிக்குஇவ்
வையக வாழ்வேதும் உண்டோ? அடா! |
| 840 | | சின்னஞ் சிறுவர் சிறுமியரை - இன்று
சிங்காரம் செய்துநாம் பார்ப்போம், அடா
கன்னத் தவரிடும் முத்தமொன்றுக்கு - இந்தக்
காசினி முற்றும் ஈடாகு மோடா! |
| 841 | | பெண்டுகள் பிள்ளைகள் நெய்த கதருடை
பீதாம் பரத்தினும் மேலாம், அடா!
கொண்டாடிப் பண்டிகை நாளில் அணிந்திடில்,
கோடி கோடிப் புண்யம் உண்டாம், அடா! |
| 842 | | இட்டமான பாடல் பாடுவோமே! - நல்ல
இன்பக் கதைகளைச் சொல்லுவோமே!
வட்டமாய்ச் சுற்றியிருப்போமே! - இன்று
வந்த விகடனைப் பார்ப்போமே? | |
|
|