முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 131 850 பஞ்சினையான் பன்னுவேனோ? பணிசெய்வேனோ? - இந்தப்      பசலை அழாதபடி பால்கொடுப்பேனோ? நெஞ்சிரக்கமுள்ளவரே கொஞ்சம் பொறுத்தால் - இன்னும்      நேரியநல் லாடை நெய்துகொண்டு வாரோமோ? 851 அஞ்சு வயதுமகள் கோலம் இட்டால் - அதை      அழகில்லை என்றழிக்கும் தாயரும் உண்டோ? பஞ்சு படுவதிலும் பெரும்பாடு - நாங்கள்      படுவதும் நீங்கள்அறி யாததோ? ஐயா! 852 காசுமியர் சால்வை நெய்த கையும் இலையோ - உயர்      காசியிலே நெய்தபட்டின் காலமும் போச்சோ? மாசிலாத டாக்காவின் மஸ்லினாடை - இன்னும்      வாவென்றால் வாராதோ? வளர்ந்திடாதோ? 853 அந்நிய நாடுகளுக் காடையனுப்பி - மானம்      அழியாமல் காத்ததுங்கள் முன்னோர் அல்லவோ? இந்நிலை மறந்துநீங்கள் இந்தநாளில் - உங்கள்      இடுப்புத் துணிக்கு அலைவ திழிவல்லவோ? 854 சாயமிட்ட சேலைகள் நெய்துதாராமோ? - நல்ல      சரிகையில் வேலைசெய்து கொண்டு வாரோமோ? நேயமெழ ஆதரித்தால் போதும், ஐயா! - இந்த      நீணிலத்தில் வெற்றியொடு நிற்போம் ஐயா! 855 கைகால் களைக்க நெய்த கதராடை - இரு      கண்கள் சடைய நெய்த கதராடை; ஐயா, நீர் வாங்கியதை அணிவீரோ? - எங்கள்      அரும்பசிக்கு அன்னம் ஏதும் அளிப்பீரோ? 856 குறுக்கு முறியநெய்த கதராடை - கும்பிக்      கொதிப்பை அடக்கிநெய்த கதராடை; மறுத்துநீர் தள்ளாமல் கொள்ளுவீரோ? - எங்கள்      வயிற்றில் எரிதணியச் செய்குவீரோ? 857 தேசமெல்லாம் புகழ்ந்திடும் ஆடை, ஐயா! - மேலைச்      சீமையையும் நடுக்கிடும் ஆடை, ஐயா! காசுபணம் இல்லாத ஏழைகளுக்காய் - அந்தக்      காந்திமகான் போற்றும்காம தேனு, ஐயா!

முன் பக்கம்

மேல்

அடுத்த பக்கம்