Untitled Document
| 933 | | எவ்வுளமுங் குளிரஒளிர் இளமதியே! வருக!
எங்கும் நிறை புகழ்மணக்கும் எழில்மரலே! வருக!
செவ்வியுறும் அரசர்குலந் திகழ்மணியே! வருக!
ஜ்யார்ஜீமகா ராஜனருள் திருமகனே! வருக! |
| 934 | | பொருளேந்தி இனியதமிழ்ப் புதுமாலை ஏந்திப்
புவிராசர் தொழுவர்; உனைக் கவிராசர் புகழ்வர்;
அருளேந்தி எமையாளும் அரசர்குலக் கொழுந்தே!
ஆதரித்தெம் திருநாட்டின் அணிகாண வருக! |
| 935 | | மந்தாரம் முல்லையிரு வாட்சிகுட மல்லி
மணங்கொண்ட பூவுலக மாதரசி ரோஜா
வந்தானோ வந்தானோ என்றுமுக மலர்ந்து
வள்ளலுனை எதிர்கொண்டு வளங்காட்டும் ஐயா! |
| 936 | | கமுகோடு தெங்குபனை காணிக்கை கொண்டுன்
கழல்போற்றக் கடற்கரையில் காத்துநிற்கும், அரசே!
இமையாத கண்மலர்கொண் டெழுந்துபல தருக்கள்
எக்கணமும் நின்வரவை எதிர்பார்க்கும், அரசே! |
| 937 | | ஐய, உன்றன் வரவையெண்ணி ஆவினங்கள் உழைத்தே
ஆயிரக்கால் மண்டபங்கள் அமைத்துவைத்த பலவே;
செய்யதிரு வடிவணங்கதத் தென்குமரி நங்கை
சேர்த்து வைக்கும் முத்தினங்கள் செப்ப எளிதலவே. |
| | வேறு | | 938 | | வானோங்கி வளர் இமய மலைகாண லாமே!
வற்றாத கங்கைநதி வளங்காண லாமே!
கானோங்கு மரச்சோலைக் கவின்காண லாமே!
கமலமணித் தடம்நோக்கிக் கண்களிக்க லாமே! |
| 939 | | சிறையன்னம் உண்டு; பசுங்கிளி உண்டு; பிரமன்
சித்திரக்கை நலம்விளக்கித் திரியுமயில் உண்டு.
நிறைநீரில் நீந்துபல நிறமீன்கள் உண்டு;
நீரில்இரை தேர்குருகு நிரைஉண்டு மிகவே. | |
|
|