Untitled Document
| 1035 | | மண்ணைப் பொன்னாக்கும் மதியூகி! வாய்த்தவினை
எண்ணித் துணியும் இயல்புளாய்! - புண்ணியஞ்சேர்
இந்தியநா டாளும் இராஜகோ பாலா! நீ
சந்ததமும் வாழ்க தழைத்து. |
| 1036 | | தந்திரிக்குத் தந்திரியாய், தாசனுக்குத் தாசனாய்,
மந்திரிகள் மெச்சுமதி மந்திரியாய் - வந்துதித்த
இன்னருட் செல்வா! இராஜகோ பாலாநீ
மன்னுலகில் வாழ்க மகிழ்ந்து. |
| 1037 | | மண்ணுலக மாமடந்தை வாடாது வாழ்வுபெறத்
தண்ணிழல் தந்துநிதம் தாங்குகவே - எண்ணரிய
பூபாலர் போற்றும் புதுவைத் திருராஜ
கோபாலன் கொற்றக் குடை. |
| 1038 | | அந்திமதி சூடிநின் றம்பலத்தி லாடிநிதம்
சிந்தைமகிழ் கூத்தன் திருவருளால் - செந்தமிழ்
நாடுபுகழ் சம்பந்தன் நடிக மகராசன்
நீடுலகில் வாழ்க நிலைத்து. |
| 1039 | | ஈடி லாத செந்தமிழில்
இனிய தமிழில் அழகழகாய்
நாட கங்கள் பலதந்த
நடிக ராஜன் சம்பந்தன்
நீடிவ் வுலகில் பல்லாண்டு
நிலைத்து வாழ நல்லவரம்
ஆடும் கூத்தன் எம்பெருமான்
அருள்க அருள்க அருள்கவே! | |
|
|