| முழுவதும் அடங்கிய ஆய்வு தொகுப்பு | 17 |
Untitled Document
| 72. | | பின்னும் பின்னும் எனைப் - பிறவிப்
பிணியில் இடுவையேல்,
என்ன செய்வதெனத் - தினமும்
எண்ணி நைவேனே. |
| 73. | | உள்ள துணர வேண்டுமெனில்
உள்ளம் தெளிய வேண்டுமப்பா!
கள்ளங் கபடா காதப்பா!
கருணை பெருக வேண்டுமப்பா!
அள்ளி உண்ணும் உணவுக்காய்
அருமை கெடலா காதப்பா!
எள்ளத் தனையும் மரணபயம்
இல்லா திருக்க வேண்டுமப்பா! |
| 74. | | ஈச னிரங்கி அடியவருக்
கினிய காட்சி யளித்திடுநாள்
ஈச னடியார் யாவுமறந்து
ஈச னடியே கண்டிருப்பர்;
ஈச னடியைக் கண்டவர்பின்
என்றும் மௌனம் கொண்டிருப்பர்
ஈச னடிகா ணாதவரே
எங்கும் முழங்கி அலைந்திடுவர். |
| 75. | | என்றும் ஈசன் திருவடிகள்
இதயக் கமலம் சேர்ப்பீரேல்,
என்றும் கருணை ததும்பியெழும்
இனிய உரைகள் உரைப்பீரேல்,
என்றும் ஏழை எளியவருக்கு
இயன்ற உதவி புரிவீரேல்,
என்றும் என்றும் இவ்வுலகில்
இனிய வாழ்வு வாழ்வீரே! | |
|
|