Untitled Document | 15. இராமகிருஷ்ண பரமஹம்ஸர் |
| 76. | | ஓடும் பொன்னும் ஒன்றெனவே
உறுதி கண்ட உள்ளத்தான்,
ஏடும் குருவும் இல்லாமல்
யாவும் அறிந்த பேரறிஞன்,
ஈடில் அருள்மா முனிவன்ஸ்ரீ
இராம கிருஷ்ணன்
திருநாமம் நாடும் நகரும் போற்றிடயெந்
நாளும் வாழ்க வாழ்கவே! |
| 77. | | பார்தனிலே வேதாந்தப் பயிர்வ ளர்த்தோன்.
பத்தினியைச் சோதரியென் றெண்ணி வாழ்ந்தோன்;
கூர்மதியால் எக்கலையும் தானே கற்றோன்
குணக்குன்றாம் ராமகிருஷ்ணன் பரம ஹம்ஸன்;
சீர்மிகுந்த மெய்ஞ்ஞானி தெரிந்து ரைத்த
செம்மொழிகள் சிந்தையினிற் சேர்த்தோரென்றும்
பேர்பெருக நீடிந்த உலகில் வாழ்ந்து
பேரின்ப வாழ்வினையும் பெறுவர் மாதோ! |
| 78. | | பாரிலரும் புகழபுபடைத்த பரமஹம்ஸன்,
பாரதத்தாய் செய்ததவப் பயனாய் வந்தோன்;
நீரொழியப் பாலுண்ணும் நெறியில் ஆய்ந்து,
நிலையான உண்மைகளை நெஞ்சிற் கொண்டோன்;
கூரியமா மதிவிவே கானந் தற்குக்
கோதிலா மெய்ஞ்ஞான குருவாய் நின்றோன்;
சீரியநம் ராமகிருஷ்ண தேவன் பாதம்
சென்னிமிசைக் கொண்டுநிதம் சேவிப்போமே! |
| 79. | | வங்கம் அளித்தமகான் வையம் புகழுமான்
தங்கக் குணங்குடியாய்த் தங்குமகான் - மங்கையரைத்
தீண்டியறி யாதமகான் ஸ்ரீராம கிருஷ்ணனெனை
ஆண்டருள்க, நெஞ்சில் அமர்ந்து! | |
|
|