முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 19 80.   வேதா கமங்கள் விரித்த பொருளையெலாம் ஓதா துணர்ந்த உரவோனை - மாதா என்று இத்தலத்து மங்கையர்கள் யாவரையும் காண்போனை நித்தமுமென் நெஞ்சே நினை. 81.   எங்கும் நிறைபொருளாய் எப்பொருட்கும் மேற்பொருளாய் தங்கும் தனிப் பொருளின் தண்ணருளால் - பொங்கு புகழ் மாதவன் ராமகிருஷ்ணன் வாய்மலர்ந்த பொன்மொழியெப் போதுமென் நெஞ்சேநீ போற்று. 16. பரமஹம்ஸரின் தேவி பிரார்த்தனை 82.   உன்னரு ளல்லால் - வேறிங்      கொருதுணை யுண்டோ? என்னை ஆண்டிடநீ - உள்ளம்      இரங்க வேண்டுமம்மா! 83.   மாசிலாத அன்பு - நெஞ்சில்      வளர வேண்டுமம்மா ஆசை வேரெல்லாம் - அடியோ      டழிய வேண்டுமம்மா! 84.   உலக மாயையிலே - சிக்கி      உழன்று நையாமல், அலகிலாத வுன்றன் - அருளால்      ஆள வேண்டுமம்மா! 85.   பொருளும் வேண்டாமம்மா! - எனக்குப்      புகழும் வேண்டாமம்மா! அருளே வேண்டுமம்மா! - வேறோர்      ஆசை இல்லையம்மா! 86. கோயில் என்னெஞ்சாய் - என்றும்      குடியிருப்பா யம்மா! தாயின் அருளல்லால் - எனக்கோர்      தஞ்சம் வேறுண்டோ?

முன் பக்கம்

மேல்

அடுத்த பக்கம்