முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 189 199. ராமகிருஷ்ண விஜயம் 1171 இனிய தமிழில் செந்தமிழில்      என்றும் தழைத்து வருந்தமிழில் கனியும் பாலும் தேனும்கற்      கண்டும் அனைய கட்டுரைகள் புனித கவிகள் கதைக ளெல்லாம்      பொலிய வரும்இப் பத்திரிகை நனியிவ் வுலகில் வாழவரம்      நங்கை பாக நல்குகவே 1172 அளத்தற் கரிய பலசமய      ஆக மங்கள் அத்தனையும் களக்கம் அறவே இரவுபகல்      கற்ற பெரியார் யாவருமே உளத்திற் கண்டு தெளிந்தபொருள்      ஒன்றே என்னும் உண்மையினை விளக்க வந்த ராமகிருஷ்ண      விஜயம் வாழ்க! வாழ்கவே ! 1173 கற்றுத் தேர்ந்த பண்டிதரும்      காணற் கரிய பரம்பொருளை முற்றி முதிர்ந்த அன்பாலே      முழுதுங் கண்ட மாமுனிவன் சொற்ற நெறியை மக்களுக்குத்      துலங்கச் செய்து நாடெங்கும் வெற்றி காணும் ராமகிருஷ்ண      விஜயம் வாழ்க! வாழ்கவே! 1174 திருத்தம் உறவே மக்களெல்லாம்      செய்தற் குரிய பணிசெய்து வருத்தம் இன்றி இருமையும்நல்      வாழ்வை அடையும் வழிகாணப் பொருத்த மான உண்மைகளைப்      பொறுக்கி இனிய செந்தமிழில் விரித்துக் கூறும் ராமகிருஷ்ண      விஜயம் வாழ்க! வாழ்கவே!

முன் பக்கம்

மேல்

அடுத்த பக்கம்