Untitled Document
| 1185 | | நெற்றி நிறைந்த நீறுடையான்,
நெஞ்சில் பஞ்சாச் சரமுடையான்,
முற்றி முதிரும் அன்பாலே
மூவர் தமிழும் பயில்நாவான்,
சுற்றம் தழுவும் குணசீலன்
தூய நெறிகண் டொழுகிடுவான்,
கற்ற பெரியோன் கதிரேசன்
கடவு ளருளால் வாழியவே! |
| 1186 | | வண்ண மலர்கள் மணம்வீசி
உண்ண அமுதம் உதவுமே - எண்ணியவர்
சிந்தை மகிழத் திருவார் இளங்கவிஞன்
தந்த தமிழ்ச்சுனை தான். |
| 1187 | | புத்தகக் காட்டில் புகுந்த களைபுற்றது
இத்தனையும் போதுமினி என்னெஞ்சே - நித்தமும்
தண்ணிழல் தங்கித் தமிழ்ச்சுனையில் இன்னமுதம்
உண்ணலாம் வாநீ உவந்து. |
| 1188 | | ஆவல் மிகவே அன்பரெலாம்
அரிய அமுதம் இதுவென்ன
நாவிற் கினிய தமிழ்ச்சுனையை
நாடி நமக்குத் தந்தமகன்
பாவின் சுவைகள் பரந்தொழுகப்
பாடும் பகவ திப்பெருமாள்
சேவ லுயர்த்தோன் திருவருளால்
தினமும் வாழ்க வாழ்கவே! |
| 205. பாரதி தமிழ்ச் சங்கமலர் |
| 1189 | | அப்பாலுக் கப்பால்நின் றாளும் பெருமாளே
ஒப்பாரு மில்லா ஒருவனே - இப்பாரில்
பொங்கு புகழ் பாரதிபேர் போற்றும் இனியதமிழ்ச்
சங்கமலர் வாழவரம் தா. | |
|
|