Untitled Document
| 1231 | | சொல்லால் பொருளால் தொடையால் வருமின்பம்
எல்லாம் ஒருங்குநமக் கீயுமே - நல்லார்வாய்
ஆர்ந்த புகழ்சேர் அசலாம் பிகைதந்த
காந்தி புராணமிது காண். |
| 1232 | | அன்னைதமிழ் நங்கை அலைகொண்ட செல்வநங்கை
மன்னியதென் றுள்ளம் மகிழ்ந்தனளால் - இன்னமுதம்
ஆர்ந்த கவியில் அசலாம் பிகைதந்த
காந்தி புராணமிதைக் கண்டு. |
| 1233 | | கல்லாரும் பன்னூல்கள் கற்றபெரும் பண்டிதரும்
எல்லாரும் இன்பமிக எய்துவரே - நல்லார்சொல்
ஆர்த்தகலைச்செல்வி அசலாம் பிகைசொன்ன
காந்தி புராணமிதைக் கற்று. |
| 1234 | | தாரணியை முற்றுமே தண்ணருளால் வென்ற
வீரனது மாட்சி விளக்குநூல் - பேரழகு
வாய்ந்த கவிகள் மலர்ந்து மணங்கமழும்
காந்தி புராணமிது காண். |
| 1235 | | மூல நூல்கள் ஆராய்ந்து
முற்றி முதிர்ந்த அறிவாலே
பாலும் தேனும் கலந்தொழுகு
பாவில் அசலாம் பிகைதேவி
ஞாலத் தெவரும் பாராட்ட
நவின்ற காந்தி புராணமிது
ஆல நீழல் எம்பெருமான்
அருளால் வாழ்க வாழ்கவே! |
| 1236 | | உள்ளம் உருகச் செவிகுளிர
ஓதும் நாவில் அமுதூற
தெள்ளத் தெளிந்த செந்தமிழில்
தேவி அசலாம் பிகைசொன்ன
வள்ளல் காந்தி வாழ்வாங்கு
வாழ்ந்த வாழ்க்கைப் புராணமிது
வெள்ளம் தாழும் விரிசடைய
விமலன் அருளால் வாழ்கவே! | |
|
|