| முழுவதும் அடங்கிய ஆய்வு தொகுப்பு | 215 |
Untitled Document
| 1286 | | புத்த முனியும் புனிதன் அரிச் சந்திரனும்
உத்தமன் ஏசுவும் ஒன்றானோன் - மெய்த்தவத் தோர்
வந்தனைசெய் காந்திமகான் வாய்மலரும் பொன்மொழியை
எந்தநாள் கேட்போம் இனி? |
| 1287 | | சத்தியத்தால் மன்அரிச் சந்திரனைத் தண்ணருளால்
புத்தபெரு மானையொத்த புண்ணியனை - உத்தமனாம்
அந்தணனைக் காந்தி அடிகளை அன்போடு
சிந்தனைசெய் நெஞ்சே தினம். |
| 1288 | | போரின் வெறியால் உலகமெலாம்
புரண்டு மறியும் இந்நாளில்
நேரும் சீரும் தரும்நீதி
நெறியீ தென்று காட்டிட, நம்
பார தத்தாய் செய்ததவப்
பயனாய் வந்த காந்திமகான்,
மார்பில் குண்டு பட்டிறந்தான்
மண்ணில் அறமும் மடிந்ததுவோ? |
| 1289 | | மெய்யும் அருளும் துணையாக
வெற்றி காணும் ஜெகவீரன்,
செய்யும் தொழில்கள் உலகத்தின்
சேமங் கருதிச் செய்பெரியோன்,
ஐயன் ராமன் திருநாமம்
அன்பு பெருகக் கனிந்தோதி
வெய்ய குண்டு பட்டிறந்தான்
விதியே? நீ இதுவேயோ? |
| 1290 | | என்னைச் சுடுகின் றவன்மீதும்
இரக்கங்கொண்டு முகமலர்ந்து
மன்னித் துயிரை விடுவனென்ற
வார்த்தை முற்றும் பலித்ததையா!
உன்னை யொத்த அருளாளர்
உலகில் வேறு கேட்டறியோம்!
அன்னை பாதத் தேவிதரும்
அருமைக் காந்தி மாமணியே! | |
|
|