Untitled Document
| 1291 | | மெய்யே நெஞ்சில் நாடிடுவார்
விஞ்சும் பொறுமை பெற்றிடுவார்
வையம் மகிழ அருள் நெறியில்
வாழ்வு கண்டு வாழ்ந்திடுவார்
தெய்வம் தொழுவார் நடு நீதி
திறம்பா தென்றும் காத்திடுவார்
ஐய மின்றிக் காந்திமகான்
அன்ப ராவார் அறிவீரே. |
| 1292 | | வையத்து வாழ்வாங்கு வாழ்ந்தவன் வானுறையும்
தெய்வத்தோ டொத்த திருவுடையான் - பொய்யற்ற
காந்திமகான் கற்பனைகள் கற்றுக் கடைப்பிடித்த
மாந்தரென்றும் வாழ்வர் மகிழ்ந்து. |
| 1293 | | தேடித்தேடி மக்கள் அழ,
திகைத்த மனைவி சோர்ந்து விழ,
வாடி உற்றார் உறவினர்கள்
வற்றாக் கண்ணீர் வடித்தலற
ஈடும் எடுப்பும் இல்லாத
ஏக நீதி பதியென்றிந்
நாடு புகழ்சத் தியநேச
நண்பன் எம்மைப் பிரிந்தனனே! |
| 1294 | | ஈசன்பாதம் மறவாமல்
என்றும் போற்றி வழிபடுவோன்;
ஆசைப் பேயைத் தலையில் அடித்து
அடக்கி யாளும் ஆற்றலுளோன்;
கூசி டாமல் நடுநீதி
கூறும் கூர்த்த மதியுடையோன்;
நேச மிகுசத் தியநேசன்
நிலத்தில் வாழ்வு நீத்தனனே! |
| 1295 | | ஆங்கி லத்தில் செந்தமிழில்
அரிய நூல்கள் பலகற்றோன்;
பாங்கு பெறுதல் அடயோகப்
பயிற்சி மிக்க பண்புடையோன்; | |
|
|