Untitled Document | 19. இராமகீர்த்தரின் போதனை |
| 99 | | ஓய்ந்து சோம்பி உறங்கா தேயடா!
ஊக்கம் பெருக உழைத்துமுன்னேறடா!
வாய்ந்த தொழிலில் மலையா தேயடா!
மனமதில் ஒன்றி மகிழ்ச்சி கொள்ளடா! |
| 100 | | ஐயம் அடர்ந்துளம் அழியா தேயடா!
அமைதி எந்நாளும் அடைந்திருப் பாயடா!
நையப் பிரித்து நலியா தேயடா!
நாடி இணங்கி நல்லுருப் படுத்தடா! |
| 101 | | மன்னிய மாமூல் வழுத்தியென் பயனடா!
வாழ்நாட் கிசைய வாழ்வு வளரடா!
உன்னிப் பகட்டுரை உரைத்தென் பயனடா!
உள்ளத் துணர்ச்சி ஊன்றி உணரடா! |
| 102 | | கற்பனைக் குதிரை கடவுதல் ஒழியடா!
காரியம் பொருளிற் கண்டு தெரியடா!
விற்பனர் விதிகளை விளம்புதல் வீணடா!
வினையில் விளைந்த விவேகம் காணடா! |
| 103 | | உயிரிலா மேற்கோள் உரைப்பதேனடா!
உற்றவாழ் வின்பயன் உணர்ந்திங் கெய்தடா!
வியனுல கத்தில் நலந்தரும் அனுபவ
வேதாந் தத்தின் மெய்பொருள் ஈதடா! |
| 104 | | அன்னையப்ப னாகி அனைத்துலகும் ஆள்கின்ற
தன்னந் தனிப்பெருமாள் தண்ணருளால் - மன்னுபுகழ்
சித்தன் திருஞானச் செல்வன் சிவானந்தன்
நித்தமும் வாழ்க நிலைத்து |
| 105 | | எங்கும் நிறைபொருளாய் எப்பொருட்கும் மேற்பொருளாய்
தங்கும் தனிப் பொருளின் தண்ணருளால் பொங்குபுகழ்
ஐயன் சிவானந்தன் அன்புருவ மானமகான்
வையமிசை வாழ்க மகிழ்ந்து | |
|
|