| முழுவதும் அடங்கிய ஆய்வு தொகுப்பு | 21 |
Untitled Document
| 95. | | மருளும் இவ்வுலகில் - ஏழை
வருந்தி வாடாமல்
அருட் பெருங்கடலே - உண்மை
அன்பளிப் பாயம்மா! |
| 96. | | சிந்தனையில் போற்றிடுவோம்; செந்தமிழில் பாடிடுவோம்;
வந்தனைகள் செய்து வணங்கிடுவோம் - முந்துபுகழ்ப்
பாரதத்தாய் பெற்றபெரும் பாக்கியத்தால் வந்துதித்த
சாரதத்தாய் வாசமலர்த் தாள். |
| 97. | | மண்ணில் வாழும் வாழ்நாளில்
மாலை யிட்ட மணவாளன்
கண்ணிற் கண்ட கடவுளெனக்
கருதி வாழ்ந்த மாதேவி
அண்ணல் ராம கிருஷ்ணாவின்
அருமை மனைவி சாரதையை
பண்ணில் பாடிப் புகழ்வோம்!
பாத பூசை செய்வோமே! |
| 98. | | சீர்பெருகு வங்கநிலம் சிறக்க வந்தோன்,
ஸ்ரீ ராம கிருஷ்ணபதம் சிரமேற் கொண்டோன்;
பார்புகழும் வேதாந்தப் பயிர்வ ளர்த்தோன்;
பாரதத்தின் பெருமையெங்கும் பரவச் செய்தோன்;
வேர் பறிய எதிர்வாதம் விரித்துக் கூறி,
வீண்வாதம் செய்பவரை வென்று, வெற்றித்
தார்புனைந்த தவயோகி விவேகா னந்தன்
தாள்பணிந்து வாழ்வோமித் தரணி மீதே. | |
|
|