Untitled Document
| 1475 | | மக்களுக்கு என்றொரு வஸ்து வாகிலும்
கொடுத்தது மில்லை, குடியிருப்பதற்கு
வீடும் அவர்க்கு வேறிலை, அப்பா!
தங்கத்தை நீயே தாலி கட்டினால்,
கவலையின்றிக் கட்டையை விடுவேன். |
| 1480 | | அவளும் சமைந்து ஈராண்டுகள் ஆச்சது;
கண்ணால் உங்கள் கல்யா ணத்தைக்
காண்பனோ? தெய்வ கடாக்ஷம் எப்படியோ!
அத்தைமார் இவர்கள் அல்லும் பகலும்
படும்பா டுகள்நீ பார்க்க வில்லையோ? |
| 1485 | | அப்பா! இவரை ஆதரித்து என்றும்
காப்பாற் றுவது உன் கடமை யல்லவோ?
பயலையும் நீகண் பார்த்துக்கொள், ஐயா!
படிப்பான் கருத்தாய், பணந்தான் இல்லை;
பரிக்ஷை கொடுத்துப் பாஸாய் வரஇனும் |
| 1490 | | ஐந்து வருஷம் ஆகும். அப் பொழுதுஉன்
தங்கை வயது சரியாய் வந்திடும்
மேற்கரி ரியம்உன் விருப்பம் போலச்
செய்து கொள், நீ தெரிந்தது தானே?
இந்த |
| 1495 | | ஊரி லுள்ள ஒருபய லாவது?
நல்லவன் என்றுநீ நம்பி விடாதே.
கொஞ்சம் இடம்நீ கொடுத்தா யானால்,
உள்ளதை யெல்லாம் ஒன்றில் லாமல்
கொள்ளை யடித்துக் கொண்டுபோய் விடுவான். |
| 1500 | | நச்சு வித்துகள்! நச்சு வித்துகள்!
நம்பல் ஆகாது! நம்பல் ஆகாது!
என்னடா, அப்பா? என்ன செய்யட்டும்?
வயித்தியன் ஒழுங்காய் வருகிறா னில்லை;
தக்க மருந்தும் தருகிறா னில்லை; |
| 1505 | | பணம்பணம் என்று பதைத்துச் சாகிறான்,
எழுந்திருப் பதுவும் இனியிலை; ஆயினும், | | |
|
|