| முழுவதும் அடங்கிய ஆய்வு தொகுப்பு | 31 |
Untitled Document | | வேறு | | 162. | | உள்ளக் கருத்தையெலாம் உள்ளபடி யானிந்த
வெள்ளைக் கவியில் விளம்பினேன்-தெள்ளுதமிழ்
வெண்பாப் புலியும் விகடகவியுமெனக்
கண்பார்த்துக் காத்தல் கடன். |
| | வேறு | | 163. | | பாட்டுக் கொருபுலவன் பாரதி, அடா!-அவன்
பாட்டைப் பண்ணோடொருவன் பாடினான்,அடா
கேட்டுக் கிறுகிறுத்துப் போனேனே, அடா!-அந்தக்
கிறுக்கில் உளறுமொழி பொறுப்பாய்,அடா! | | 164. | | சொல்லுக்குச் செல்லழகும் ஏறுமே, அடா!-கவி
துள்ளும் மறியைப் போலே, துள்ளும் அடா!
கல்லும் கனிந்துகனி யாகுமே, அடா!-பசுங்
கன்றும்பால் உண்டிடாது கேட்குமே, அடா! | | 165. | | குயிலும் கிளியும்பாட்டில் கூவுமே, அடா! - மயில்
குதித்துக் குதித்துநடம் ஆடமே, அடா!
வெயிலும் மழையுமதில் தோன்றுமே, அடா! - மலர்
விரிந்து விரிந்துமணம் வீசுமே, அடா! | | 166. | | அலைமேலே அலைவந்து மோதுமே, அடா!-அலை
அழகான முத்தையள்ளிக் கொட்டுமே, அடா!
மலைமேலே மலைவளர்ந் தோங்குமே, அடா!
வனங்கள் அடர்ந்தடர்ந்து சூழுமே, அடா! | | 167. | | விண்ணிலொளிரு மீன்கள் மின்னுமே, அடா! - விண்ணில்
விளங்கும் மதிநிலவு வீசுமே, அடா!
கண்ணுக் கினியசோலை காணுமே, அடா! - அதில்
களித்திள மான்கள்விளை யாடுமே, அடா! | | 168. | | தேனும் தினையும்பாவில் உண்ணலாம், அடா! - மிகத்
தித்திக்கும் முக்கனியும் உண்ணலாம், அடா!
கானக் குழலிசையும் கேட்கலாம், அடா!-ஊடே
களிவண்டு பாடுவதும்கேட்கலாம்,அடா! | |
|
|