| | வேறு | |
| 1551 | | இத்தனையும் கண்டுமனம் இரங்கி, நொண்டும்
இளமறியை இருகரத்தின் எடுத்து, வையம்
அத்தனையும் தாங்குபுயம் அணிய ஏந்தி,
அருளுருவாம் அண்ணலும் அத்தாயை நோக்கி;
| 107 |
| | வேறு | |
| 1552 | | “அல்ல லுறவேண்டாம் - இனித்துயர்
ஆறி வருவாயம்மா!
செல்லு மிடத்தில் உன்தன் - மதலையைத்
சேர்த்து விடுவேனம்மா. | 108 |
| 1553 | | ஏழைப் பிராணிகளின் - இடர்களைந்து
இன்ப மளிப்பதுபோல்,
வாழும் உலகிதனில் - செயுமொரு
மாதவம் வேறுமுண்டோ? | 109 |
| 1554 | | மீளாத் துயர்க்கடலில் - உயிரெலாம்
வீழ்ந்து முழுகையிலே,
பாழாங் குகைதேடிச் செயுந்தவம்
பாவமே ஆகுமம்மா!” | 110 |
| | வேறு | |
| 1555 | | என்றுகனிந் துளமுருகி எழுந்த காலை,
எமன்விட்ட தூதுவர்போல் ஆட்டை யெல்லாம்
குன்றிருந்து துரத்திவரு மவரைக் கண்டு,
குவலயத்தில் அருள்மாரி மொழியும் ஐயன்; | 111 |
| | வேறு | |
| 1556 | | “மாலைப் பொழுதின்னும் ஆகவில்லை - வெயில்
மண்டை பிறந்து வெடிக்குதையோ!
சாலை வழிஇந்த ஆடுகளும் - எங்கு
சாய்ந்து செலுமையா கூறும்” என்றான. | 112 |