| 1557 | | அம்மொழி கேட்டவ் விடயருமே - “எம்ம
ஆளும் இறவன தாணயினால்,
செம்மறி நூறு, வெள் ளாடும் ஒருநூறு
சேர்த் வருகிறோம்” என்றுரத்தார்.
| 113 |
| 1558 | | இன்றிரா யாகம் முடியுதென்றார் - அதில்
இத்தனை யுங்கொலை யாகும்என்றார்;
நின்றுசொல நேரம் இல்லைஎன்றார் - இன்னும்
நீண்ட வழிபோக வேண்டும்என்றார். | 114 |
| | வேறு | |
| 1559 | | வள்ளலும் உள்ளம் வருந்தி, யானும் - அந்த
மாமகம் காண வருவேனென்று,
துள்ளும் மறியுஞ் சுமந்துகொண்டு - தாயும்
சேர்ந்து தொடர வழிநடந்தார். | 115 |
| 1560 | | மானேந்தும் ஈசனுளம் நாண, ஆட்டின்
மறியேந்து பெருங்கருணைப் புனித வள்ளல்,
வானேந்து மதில்மீது கொடிகள் ஆடும்
மாநகரின் திருவாயில் வந்தபோது; | 116 |
| | வேறு | |
| 1561 | | செங்கதிர் வெம்மை தணிந்ததடி! - வாசத்
தென்றல் உலாவி எழுந்ததடி!
பொங்கி வருஞ்சோணை மாநதியும் - ஒரு
பொன்னிறம் பெற்றுப் பொலிந்ததடி! | 117 |
| 1562 | | முல்லை மலர்ந்து மகிழ்ந்ததடி! - ஆம்பல்
மூடிய வாயும் திறந்ததடி!
எல்லை யிலாமலர்ச் சோலையிலே - வண்டும்
இன்னிசை பாடித் திரிந்ததடி! | 118 |
| 1563 | | தாயும் இரங்கி வருகுதடி - கன்றும்
தாவிக் குதித்தோடிச் செல்லுதடி!
ஆயும் பொழிலில் பறவையெல்லாம் - அந்தி
அங்காடி போல ஒலிக்குதடி! | 119 |