| | வேறு | |
| 1586 | | என்று சொல்லியாக தீக்ஷிதரும் - வானை
ஏந்திய கையினை ஓங்குகையிலே,
பொன்றும் உயிரினைக் காக்கவரும் - அந்தப்
புண்ணிய மூர்த்தியும் ஓடிவந்து | 142 |
| 1587 | | “அண்ணலே இக்கொடும் பாவிஇவ் வேளையில்
ஆட்டினைக் கொல்லா தருள்புரிவீர்
திண்ணிய ஞான முடையவரும் - இந்தத்
தீவினை செய்வரோ?” என்றுரைத்தான். | 143 |
| 1588 | | காலிலே கட்டிய கட்டவிழ்த்தான் - அதன்
கண்டம் இறுக்கிய கட்டவிழ்த்தான்;
வாலிலே கட்டிய கட்டவீழ்த்தான் - அதன்
வாயிறினிற் கட்டும் அவிழ்த்துவிட்டான்! | 144 |
| 1589 | | நின்றவர் கண்டு நடுங்கினரே - ஐயன்
நேரிலே நிற்கவும் அஞ்சினரே;
துன்று கருணை நிறைந்தவள்ளல் - அங்கு
சொன்ன மொழிகளைக் கேளும், ஐயா; | 145 |
| 1590 | | “வாழும் உயிரினை வாங்கிவிடல் - இந்த
மண்ணில் எவர்க்கும் எளிதாகும்;
வீழும் உடலை எழுப்புதலோ - ஒரு
வேந்தன் நினைக்கினும் ஆகாதையா! | 146 |