Untitled Document | 1674 | | மலர்ந்து நல்ல மணம்வீசி
வையம் புகழ வாழாமல்,
உலர்ந்து வீழும் அரும்புகளில்
உலகில் யாரே எண்ணிடுவார்?
கலந்த திருவும் யௌவனமும்
கண்ணுக் கினிய மெய்யழகும்
குலைந்து போகும் என்றறிஞர்
கூறும் கூற்றில் ஐயமுண்டோ? | 5 |
| 1675 | | பலநூல் கற்ற பண்டிதர்கள்
பலரும் சபைகள் பலகூடிச்
கலகம் வாதம் செய்திடுக;
கண்டங் கிழிய முழங்கிடுக
மலரும் மலர்கள் வாடலும்
இவ் வாழ்வு நிலையா தோடலுமே
உலகம் கண்ட உண்மைகளாம்;
உண்டோ மற்றொன்று உரைத்திடவே? | 6 |
| 1676 | | சிரித்த ரோஜா மலரைப்பார்,
செப்பும் இனிய மொழியைக்கேள்;
‘அருத்தி யோடிவ் வுலகில்வந்து
அழகார் நந்த வனமதிலே,
பரித்த பட்டுப் பைகீறிப்
பைம்பொன் நிதியைப் படிமீது
விரித்து வீசி எங்கெங்கும்
விதைத்துச் செல்வன்’ என்றிடுமே. | 7 |
| 1677 | | நினைப்பு நீண்டு தழைத்துவரும்;
நீறி வெந்து சாம்பருமாம்;
அனைத்தும் பாலை வனத்தினிலே
அமையும் பனிபோல் அரைநொடியில்,
மனத்தில் தோன்றி நிலையாது
மாண்டு மறைதல் உண்மையதாம்;
எனைத்து நூலின் வலியாலும்
இதனை மறுக்க இயலாதே. | 8 | |
|
|