Untitled Document | 1682 | | யானும் நீயும் இறந்தபினும்,
இராஜா ராஜன் பட்டபினும்,
ஊனம் இன்றி இவ்வுலகம்
ஊழி ஊழி நின்றிடுமால்;
கூனக் கிழவி ஒருசிறுகல்
குனிந்து வீசி எறியில், அதை
மானக் கடலும் மந்தரமா
மலையென் றெண்ணி மலைந்திடுமோ? | 13 |
| 1683 | | கொற்ற மன்னர் முடிசூடிக்
கொலுவில் அமர்ந்த திருக்கோயில்,
முற்றுங் கூகை ஆந்தையொடு
முதுபேய் வாழும் காடாமோ;
வெற்றி வில்லை ஏந்திமுனம்
வேட்டை செய்த வேடன்கை
பற்றி நரிகள் இழுப்பதையும்
பாரில் கண்ணாற் பார்ப்போமே. | 14 |
| 1684 | | மன்னர் பட்ட படுகளத்தில்
மலரும் ரோஜா மலரைப்போல்,
வன்ன ரோஜா மலர்வேறு
வனத்தி லெங்கும் வளர்வதுண்டோ?
புன்னைக் கிளைகள் எழுந்தோங்கிப்
பூத்துச் சொரியும் புனிதநிலம்,
கன்னி யொருத்தி முத்தாரம்
கழன்று வீழ்ந்த இடமலவோ? | 15 |
| 1685 | | இருந்து சென்ற முன்னோரின்
இடத்தி லெல்லாம் யாம் இன்று
விருந்து செய்து வாழ்கின்றோம்;
விகடம் சொல்லி மகிழ்கின்றோம்;
இருந்த இடம்விட்டு யாமும் இனி
எழுந்து சென்றால் இங்கிருந்து
விருந்து செய்வார் யார்யாரோ?
விகடம் சொல்வார் யார்யாரோ? | 16 | |
|
|