Untitled Document | 1690 | | அன்றென் இளமைப் பருவத்தில்
அறிவிற் சிறந்த புலவரையும்
நன்று சீல முடையபெரு
ஞானி களையும் அடிபணிந்து
நின்று கேட்ட வாதங்கள்
நினைப்பின் அரிய ஆயிடினும்,
சென்ற வாயில் வழியேதான்
திரும்பி அந்தோ! வந்தேனே. | 21 |
| 1691 | | அரிய பெரிய ஞானிகளோடு
அறிவின் விதைகள் விதைத்துவந்தேன்;
பெருகி ஞானம் வளர்ந்தோங்கப்
பேணிப் பணிகள் பலசெய்தேன்;
உரிய காலைக் கண்டபலன்
உண்மை கூறின் இதுவேயாம்;
வருதண் ணீரைப் போல்வந்தேன்;
மாயக் காற்றைப் போல்மறைந்தேன். | 22 |
| 1692 | | ஏனோ உலகில் வந்தேன்? முன்
இருந்த இடமும் எவ்விடமோ?
கானா றோடும் கதியேபோல்,
கண்ட கண்ட படிபோனேன்;
வானோக் கியபாழ் நிலமீது
வழங்கும் வாடைக் காற்றெனவே,
யானோர் காலை வெளியேறில்
எங்கே குவனோ? அறியேனே. | 23 |
| 1693 | | மலையில் ஏறி நிற்கின்றோம்,
மறிந்து கடலில் வீழ்கின்றோம்;
சுலவு புயலில் அக்கப்பட்டுச்
சுழன்று சுழன்று செல்கின்றோம்;
அலையில் நுங்கும் நுரையுமலால்
அடைந்த பயன்வே றொன்றுமிலை.
உலகின் உண்மை இதுவல்லால்
உரைக்க வேறொன் றுண்டோ? சொல். | 24 | |
|
|