| முழுவதும் அடங்கிய ஆய்வு தொகுப்பு | 369 |
Untitled Document | 1702 | | மண்ணில் உடைந்த மண்ணாக
மாறி மண்ணில் மறைந்திடுமே;
மண்ணிலிருந்து மண்ணெடுத்து
வனைந்து வைத்தான் இவ்வுடலை;
எண்ணி இதனை அறியாதார்
ஏதும் அறியார்; இவ்வுலகில்
நண்ணும் வினைகண்டு, அஞ்சிநிதம்
நடுங்கி நடுங்கி நலிபவரே. | 33 |
| 1703 | | மண்ணிற் செய்த கலமுடையின்
மண்ணில் மண்ணாய் போகுமென,
எண்ணி முன்னாள் அக்குயவன்
எனையும் மண்ணில் வனைந்தனனால்;
உண்மை இதனை உள்ளத்தில்
ஊன்றி உணரா மாந்தரெலாம்
வெண்மை பேசித் திரிபவரே,
வீணாய் வாதம் செய்பவரே. | 34 |
| 1704 | | படைத்த மண்ணும் நல்மண்ணோ?
பழுது நிறைந்த பொய்மண்ணோ?
படைத்த மண்நல் மண்ணானால்,
பானை உடைந்து போவதுமேன்?
படைத்த மண்ணில் பழுதுளதேல்
பழிதான் எவரைச் சார்ந்ததுவாம்?
படைத்த படைப்பின் உண்மையெலாம்
பாரில் யாரே பகர்ந்திடுவார்! | 35 |
| 1705 | | வந்த வந்த மனிதரெலாம்
வளைவும் நெளிவும் கண்டென்னைச்
சந்த மில்லாப் பானையெனத்
தள்ளி வைத்துச் சென்றனரால்;
அந்த நாள் அக் குயவன்கை
ஆட்டத் தாலே நேர்ந்தபிழைக்கு
இந்த நாளில் ஏழைஎனை
ஏனோ குறைகள் கூறவரே? | 36 | |
|
|