| 212 | | குன்றும் குகைகளுமோ? வெண்ணிலாவே! - அன்றிக்
வனக் கிழவிதானோ? வெண்ணிலாவே |
| 213 | | ஆழியும்நீ வரக்கண்டு வெண்ணிலாவே! - குதித்து
ஆடுவதெக் காரணமோ? வெண்ணிலாவே! |
| 214 | | ஆதாரம் ஒன்றில்லாமல் வெண்ணிலாவே! - நீயும்
அந்தரத்தில் நிற்பதேனோ? வெண்ணிலாவே! |
| 215 | | சுற்றித் திரிவதும்ஏன்? வெண்ணிலாவே! - உனக்குச்
சொந்த இடம் ஒன்றிலையோ? - வெண்ணிலாவே! |
| | |
| 216 | | அண்டிவாராய் நீயெனினும், வெண்ணிலாவே! - இன்னும்
அகன்றெங்கும் போய்விடாதே, வெண்ணிலாவே! |
| 217 | | பறக்கச் சிறகிருந்தால், வெண்ணிலாவே! - உன்றன்
பக்கம் வந்து சேருவேனே, வெண்ணிலாவே! |
| 218 | | பால்போல் நிலவெறிக்கும் வெண்ணிலாவே; - என்றன்
பாங்கில்விளை யாடவாராய்! வெண்ணிலாவே! |
| 219 | | பாங்கில்விளை யாடவந்தால், வெண்ணிலாவே! - நல்ல
பால்தருவேன், பழந்தருவேன், வெண்ணிலாவே! |
| 220 | | துன்பமிக்கத் தாமடைந்தும், வெண்ணிலாவே! - பிறர்க்குச்
சுகமளிப்பார் உன்போலுண்டோ? வெண்ணிலாவே! |
| 221 | | இருளதனை விழுங்கவல்ல வெண்ணிலாவே! - உன்னை
இருள்விழுங்கும் சூழ்ச்சியெதோ? வெண்ணிலாவே! |
| | |