| முழுவதும் அடங்கிய ஆய்வு தொகுப்பு | 371 |
Untitled Document | 1710 | | வசந்த ருதுவும் வந்திடுமோ?
வாச மலர்கள் பூத்திடுமோ?
கசிந்து பாடும் குயில்இன்னும்
காது குளிரச் செய்திடுமோ?
இசைந்த இளமைப் பருவத்தின்
இனிமை இனியும் எய்துவனோ?
அசைந்த உள்ளம் தேறுமொழி
ஆரே கூற வல்லாரே? | 41 |
| 1711 | | இருளின் வாயிற் படிதாண்டி
எமக்கு முன்னே சென்றவர்கள்
கருது கோடி கோடியின் மேல்
கணக்கில் லாதார் ஆயிடினும்
ஒருவரேனும் வழியிது வென்று
உண்மை கூற வந்தனரோ?
அறிய வழியை நாமும் இனி
அளந்து காண வேண்டுமடா! | 42 |
| 1712 | | நெஞ்சே! நீயும் எத்தனைநாள்
நெருப்பில் மூழ்கி நின்றிடுவாய்?
வஞ்ச உலகில் மற்றெவையும்
மறந்து நீக்கி யறவிட்டுத்
தஞ்ச மாக நட்பொன்றும்,
தழைக்கும் ரோஜா வனமொன்றும்,
விஞ்ச மதுவுண் கலமொன்றும்,
விரும்பி வேண்டிப் பெறுவாயே. | 43 |
| 1713 | | அன்பே! யானும் நீயும் இசைந்து
அயலில் எவரும் அறியாமல்
வன்பே உருவாம் விதியினையும்
வளைத்துள் ளாக்கி முயல்வோமேல்,
துன்பே தொடரும் இவ்வுலகைத்
துண்டு துண்டாய் உடைத்துப்பின்
இன்பே பெருகி வளர்ந்திடுமோர்
இடமாய்ச் செய்ய இயலாதோ? | 44 | |
|
|