| முழுவதும் அடங்கிய ஆய்வு தொகுப்பு | 389 |
Untitled Document | 1782 | | இல்லாப் பொருளுக் கேங்காமல்
இருக்கும் பொருளும் எண்ணாமல்
எல்லாம் வல்ல எம்பெருமான்
இரங்கி அளக்கும் படிவாங்கி,
நல்லார் அறிஞர் நட்பையும்நீ
நாளும் நாளும் நாடுவையேல்,
நில்லா உலகில் நிலைத்தசுகம்
நீண்டு வளரும் நிச்சயமே. | 113 |
| 1783 | | எழுதிச் செல்லும் விதியின்கை
எழுதி எழுதி மேற்செல்லும்;
தொழுது போற்றி நின்றாலும்
சூழ்ச்சி பலவும் செய்தாலும்,
அழுது கண்ணீர் விட்டாலும்,
அபயம் அபயம் என்றாலும்
வழுவிப் பின்னால் ஏகியொரு
வார்த்தை மாற்றம் செய்திடுமோ? | |
| 1784 | | பாரி போலக் கொடுத்தவரும்,
பணத்தைப் புதைத்து வைத்தவரும்,
தேரின் மண்ணாய்ப் போனதலால்,
செம்பொன் னானது அழியோமோ;
ஊரில் அவர்தம் உடலையெடுத்து
உரையும் நிறையும் காணாரே;
ஒரும் உள்ளத் துண்மையிதை
ஊன்றி நோக்கி உணர்வாயே. | | |
|
|